初初見到「光榮結業」差d笑到收唔到聲，但諗諗下，又真係光榮結業架喎，富昌診所真係幫過唔少街坊病友架！但我都係覺得光榮引退似d。
講起呢間富昌診所，真係好有感觸啦！遇到呢間診所真係緣份黎架。有一段日子，因為一d 私事，總會係呢個商場溜連一會，咁就係呢間診所度，經歷過一d開心，又有一dd唔開心既事啦。
話你地知啦，富昌診所係匡信中醫第一間有夜診服務提供既診所黎架，真係好似一個中轉站咁，仲遇到過住屯門呀，元朗呀，馬鞍山呀等等咁遠既病友，都放工黎睇完醫生先返屋企架。
最開心既事就係遇到三位好好既後生仔醫師，一個已經轉型做專科醫師，一個自立門户到另一個地方開診，一個好耐之前已經調去匡信旗下其他社區診所應診，仲幫到好多人添！哈！哈！哈！後生乜野呀，呢三個年青醫師都有白頭髮架！仲全部都係好有誠意既中醫師黎架！
除左好醫師之外，呢間診所仲曾經有親切有禮又好專業既助護姐姐，又有好好人好有禮貌既夜診及星期日助護姐姐，仲有一個好精靈得意既得意妹助護姐姐，佢地都分別去左匡信旗下不同診所服務啦！聽聞呢個最精靈得意既得意妹助護姐姐，係由富昌診所開始佢既中醫診所助護生涯架。咁唔知係咪佢地診所既精心安排架呢，係富昌診所光榮結業前既一段日子，由得意妹姑娘留守服務至最後一刻，為富昌診所畫上句號。
咁……就梗係有影相比你地睇啦！就當作一個歷史記錄，一點回憶吧！
富昌診所，呢段日子辛苦了！拜拜你條尾啦！唔洗擔心我架，無左富昌診所，我又會去其他匡信/盈柏/尚然堂既診所玩架啦！
Honson (Fu Cheong) Clinic mission completed and closed at 7:30 pm on 27 July 2018!
個多月前，富昌診所已經貼左通告，光榮結業啦。
光榮結業通告！
結業前仍然留係富昌診所服務既醫師的調診通知。
呢張紙好正，列晒匡信/盈柏/尚然堂所有社區診所出黎架！
留守到最後一刻，為富昌診所畫上句號的得意妹姑娘，咁得意梗係唔比你地睇啦！
2018年7月27日朝早既富昌診所，已經執拾緊準備撤退！
2018年7月27日朝早既富昌診所，已經執拾緊準備撤退！
2018年7月27日下午7點半後既富昌診所，正式功成身退，光榮結業！
拜拜啦！
