(大鳴大放-2018年1月20日)
哇～哇～天文台話呢兩個星期好凍呀～朝朝都會低過十度咁款，各位街坊好友記得要保暖呀～
近期流感又黎襲港，今次仲好似好勁咁，前牌有一位小朋友比流感帶左上天堂，醫院病床超過100％被佔用，學校/院舍又疑似有流感爆發咁，真係大吉利是，Touch Wood (掂多幾下塊木先～) 豬事丁有好醫師照住未有中招，見到好片 - 由香港大學微生物學系講座教授袁國勇教授講解流感，更係要分享比大家一齊了解下。
睇左條片後記低左d內容，唔得閒睇片睇文字可以慳番d時間：
// 每年冬天，尤其係溫度突然跌到好低，當氣溫
低過攝氏15度，很多時流感病毒既活躍度就會高好多。 //
// 點解天氣凍左流感病毒既活躍度就會高好多呢？係科學上暫時未有好清楚既解釋。 //
// 相信係溫度越低，病毒本身會越穩定。 //
// 當天氣凍既時侯，通常都係濕度低，於是當你打噴嚏或呻鼻時，噴出黎既飛沫能夠於空氣維持一段長既時間，因為d飛沫唔係咁容易跌番落黎。原因係濕度低既時候，噴出黎既飛沫入面既水份話咁快就被扯走晒，所以飛沫可以維持係浮游狀態，其他人就好容易會接觸到。 //
// 流感病毒，例如噴左係枱面，都可以維持接近一日。 //
(一日咁耐!! 好恐怖呀!!)
(一日咁耐!! 好恐怖呀!!)
// 當你打噴嚏，噴左係1-2米外，帶有流感病毒既飛沫跌左落下面，個病毒都未必會好快咁唔見左。咁當你用隻手摸到d病毒，之後丙摸番自己，就會感染到。所以洗手好重要，同埋唔好用手掂到d傷口呀，捽眼耳口鼻咁。//
// 當我地打噴嚏或呻鼻時，噴出黎既飛沫係有不同大細(size)，而最大問題就係細果d飛沫，如果小於5微米（㎛）(Micrometer)，就會一直浮游係空中，唔會跌落黎，就會一直浮咁浮游係環境之中。不過，一般既流感病毒都係大於3微米，大部份都大於10徵米以上。所以當打噴嚏或呻鼻時，噴出黎既流感病毒只係行到1-2米就會跌番落黎。所以我地係醫院既時候，要接近一個病人行到接近兩米既時侯，就一定要戴口罩。到檢查完個病人之後，一定要用酒精搓手液搓手，先可以將口罩除低。 //
//（嘩！d病毒係咁跌落黎，3幾歲d小朋友咪好易中招受感染！）當打噴嚏或呻鼻涕時，你越接近，受感染機會就越高。所以最有效防治流感都係打流感疫苗。 //
// 而家香港政府既衛生署及衛生防護中心每年都會買大量流感疫苗，近一百萬針給大家使用。//
// 而家香港用既最好果隻係四價流感疫苗，即係有齊甲型流感（H3N2, H1N1）、乙型流感（維多利亞型、山型）。 //
// 雖然四價流感疫苗保護既作用唔係100%，可能只有50%至70%左右（視乎年紀），但基本上既保護已經非常唔錯。 //
// 大家要明白，就算打左流感疫苗之後即使無100%保護，身體有某程度既抵抗力，經疫苗訓練左你既免疫系統之後，就算真係有感冒，受到感染，都唔會因為咁樣而有併發症，例如肺炎、腦膜炎、肌肉敗死、心臟有心肌炎而逝世，唔會有呢d情況發生。 //
//勸喻市民，尤其老人家年紀大過65歲，小朋友細過6歲，或本身有長期病患，無論係心、肝、脾、肺、腎、或腦有事、或有荷爾蒙變化、或糖尿等等，都應該打季節性流感疫苗。 //
// 打流感疫苗既最好時間係大約11月，因為通常流感爆發都係12月或之段發生。通常打完流感疫苗3個星期後就開始有保護、血液內既抗體就出左黎，即所謂中和抗體出現。到12月或1月流感爆發既時侯，身體就有足夠既抗體保護你，就唔會有併發症既情況發生。 //
// 咁而家都1月尾啦，而家先打就會唔會太遲？應該唔會啦。而家爆發緊既係乙型流感，尤其係山型爆發得好犀利，但你不能擔保到左3月既時候，會唔會再黎一次甲型既H3N2。 //
#感冒同傷風點分？
// 所謂#感冒，經常用一個term “Influenza-like-illness”（流行性感冒病例），即感冒不只由感冒病毒引起，其他好多病毒都可以引起，例如副流感病毒1、2、3、4型、腺病毒、呼吸道合胞病毒、鼻病毒等，全部都可以引起類似流感徵狀。 //
// #流感徵狀好簡單，就係突然間發燒（溫度有可能會上上落落咁），同時間一係就咳，一係就喉嚨痛，部分病人仲會周身肌肉痛，或有其他徵狀，例如頭痛等。 //
// 但咁樣係非常籠統，所以發現淨係用病徵、病狀黎分，係流感季節，敏感度及針對程度係超過70%至80%。但如果唔係流感爆發季節，敏感度及針對程度只有低至10%至20%。所以要明白，唔拎d分秘物去化驗，係分辨唔到係咪流感病毒。 //
// 想要知道病毒係咪流感既原因：
(1) 有藥食：大家都知道特敏福或樂感清對於甲型或乙型流感有幫助；
(2) 流感病毒所引起既炎症反應比其他病毒高，若老人家感染到而引起既炎症反應好犀利，就會引發其他慢性病，例如佢原本有冠心病，d血管已經窄窄地，當佢一發炎，因流感而引起好嚴重既炎症反應，流感未必殺死佢，但一發炎d血就會稠好多，於是血管好易栓塞，栓塞就會心臟病突發，於是心臟衰竭，抖唔到氣，不能呼吸要入醫院，又或者腦血管又出現血管栓塞，於是中風，咁就見到老人家係冬天，咁啱啱流感季節，啱啱凍完既一、兩星期就出現，但到時候就已經驗唔到流感架啦，d血已經變到好稠，血管塞左，就變成重病要入醫院。 //
(1) 有藥食：大家都知道特敏福或樂感清對於甲型或乙型流感有幫助；
(2) 流感病毒所引起既炎症反應比其他病毒高，若老人家感染到而引起既炎症反應好犀利，就會引發其他慢性病，例如佢原本有冠心病，d血管已經窄窄地，當佢一發炎，因流感而引起好嚴重既炎症反應，流感未必殺死佢，但一發炎d血就會稠好多，於是血管好易栓塞，栓塞就會心臟病突發，於是心臟衰竭，抖唔到氣，不能呼吸要入醫院，又或者腦血管又出現血管栓塞，於是中風，咁就見到老人家係冬天，咁啱啱流感季節，啱啱凍完既一、兩星期就出現，但到時候就已經驗唔到流感架啦，d血已經變到好稠，血管塞左，就變成重病要入醫院。 //
// 通常老人家或好細既小朋友對天氣既適應弱好多。所以天氣又冷又熱，佢地唔識點照顧自己既話，個免疫系統就會好傷。其中一項研究知道，文獻有講，一個老人家就咁樣突然凍一凍，佢d血入面既炎症反應就即刻發生。就算無流感病毒，個老人家都已經傷一傷，所以尤其老人家，保持屋企既恒溫好緊要，但有時尤其係照顧者，不懂得幾時會凍親，就係剛剛起身落床無著衫就會突然冷一冷；去沖涼除衫時如果無暖板係度又會好易凍親；另外除衫上床瞓覺時張床好凍又會冷親。又有時照顧者會以為整好多暖板、好多熱風機係度就好，但未必架喎，因為咁會令空氣濕度好低，於是老人家d黏膜乾晒，乾得好緊要既時候又會損害到黏膜，令到黏膜上的黏液太薄，反而更容易感染流感病毒。另外照顧者又會因為天氣凍驚老人家冷親就關晒d窗，造成好少空氣流通，當有人有感冒既時侯，d感冒病毒就會不停係屋內傳播，果時就會好麻煩。所以大家都要明白到，係屋企入面保持溫度、濕度、空氣流通呢3樣野都係同時重要的。 //
// 濕度太低（如低至10%至20%）或太高（好似近期咁80%-90%）又會令病毒穩定d。 //
// #傷風就唔同喇，傷風就算有發燒都係好低燒，主要就係鼻塞得好嚴重，流好多鼻水，個喉嚨好似桔住桔住咁，又唔係真係喉嚨痛，可能都會有d咳，但所謂既傷風，基本上都係個鼻同個鼻竇發炎，叫acute rhinosinusitis，主要既症狀都係個鼻度。主要都係由鼻病毒引起，通常並不是流感病毒引起。 //
// 除左打預防針，家長可以做d咩避免小朋友受感染？大家要明白小朋友唔會咁容易同大人合作，例如叫小朋友戴口罩，小朋友戴一陣就會唔戴；叫小朋友洗手，小朋友又會成日唔記得。所以最重要既都係打疫苗。 //
// 大家要記住乙型感冒（即influenza B），其中一樣係醫學文獻觀察到，有兩個併發症比甲型流感多左既：
(1) 一個叫 “B型流感的腦病變”，就係當小朋友感染左乙型流感之後，突然有一日神智不清，跟住入醫院就嚴重抽筋，然後做電腦素描發現小朋友個腦腫得好緊要，相信係個小朋友感染到乙型流感後個炎症好嚴重，就算病毒無走上腦部都好，個炎症反應令個腦腫得好緊要。因個腦在顱骨內，顱骨本身並不會脹大，當個腦一腫既時侯，個腦就會好傷，於是很快就會死亡。（近日新聞報導剛有個3歲小孩因乙型流感腦病變而過身。）
(2) 另外一個係乙型流感較多出現既係 “雷氏綜合症”，雷氏綜合症是可以避免到的。除左打流感疫苗之外，千萬不要服用阿士匹靈。所有文獻都認為小朋友不應服用阿士匹靈。因小朋友本身細胞內既酵素並不成熟，無法處理阿士匹靈，引起好怪既雷氏綜合症，以致個肝有脂肪化跡象，心臟有脂肪化跡象，腦內都有脂肪化跡象，呢個就係雷氏綜合症。小朋友突然神智不清，肝酵素高得好緊要，血液內阿摩尼亞高得好緊要，無論腦、心臟、肝同時衰竭，因而很致命，好危險。 //
(1) 一個叫 “B型流感的腦病變”，就係當小朋友感染左乙型流感之後，突然有一日神智不清，跟住入醫院就嚴重抽筋，然後做電腦素描發現小朋友個腦腫得好緊要，相信係個小朋友感染到乙型流感後個炎症好嚴重，就算病毒無走上腦部都好，個炎症反應令個腦腫得好緊要。因個腦在顱骨內，顱骨本身並不會脹大，當個腦一腫既時侯，個腦就會好傷，於是很快就會死亡。（近日新聞報導剛有個3歲小孩因乙型流感腦病變而過身。）
(2) 另外一個係乙型流感較多出現既係 “雷氏綜合症”，雷氏綜合症是可以避免到的。除左打流感疫苗之外，千萬不要服用阿士匹靈。所有文獻都認為小朋友不應服用阿士匹靈。因小朋友本身細胞內既酵素並不成熟，無法處理阿士匹靈，引起好怪既雷氏綜合症，以致個肝有脂肪化跡象，心臟有脂肪化跡象，腦內都有脂肪化跡象，呢個就係雷氏綜合症。小朋友突然神智不清，肝酵素高得好緊要，血液內阿摩尼亞高得好緊要，無論腦、心臟、肝同時衰竭，因而很致命，好危險。 //
// 通常過左12歲，身體各方面都成熟，但基本上15歲先叫穩陣d，再穩陣d就18歲成年人才可服用阿士匹靈。小朋友就不能服用，因唔知道小朋友受左乜野病毒感染，而且不單只乙型流感同雷氏綜合症有關，甲型流感都有d關係，水痘（即chickenpox）也有關係，所以奉勸小朋友不要服用阿士匹靈，小朋友都不應服用同阿士匹靈類似既藥。 //
// 所有RNA既病毒（核餹核酸），係不停咁變異緊，它的每一代都可能有起碼一個訊號變左。好多時變左既訊號未必影響到它表面蛋白抗原，但當有表面蛋白抗原改變既情況，就開始左我地大部分人腦內中和抗體既時侯，就叫做變種。但咁既變種通常都係幾年先發生一次，不是很大的變異，所以就算它變少少，我地注射流感疫苗都應該有d幫助。當然如果變異得犀利既時候個幫助就會細啦。就好似剛過去既夏天，甲型H3N2流感只有少少變，都已經有好多人病得好嚴重。 //
// 之後香港既H3N2去左澳洲（澳洲既冬天同時係我地既夏天），現在H3N2已經去到美國同英國，現在美國同英國有好多病人有好嚴重既H3N2感染入左醫院及死亡。佢地話嚴重程度不下於2009年人類豬流感爆發（全球性疫症）。可以睇到呢個季節性流感，就算佢既變異好少，少到世界衛生組織都話未變到要轉疫苗種子，但都可以有時幾嚴重。 //
// 奉勸市民打流感疫苗，就算疫苗保護唔係100%，就算只有20%保護咁少都好，都可以保護到就算感染左流感都唔會有嚴重併發症出現。 //
// 現時沒有統計數字話每年有幾多人因流感併發症死亡。但知道全球因流感死亡既數字係講緊30萬-50萬人（全球數字），全球每年感染到季節性流感起碼係300萬-500萬人，係好高既數字。 //
// 最麻煩係無人知，無統計有幾多數字係引發起慢性病，比如心臟病、腦中風等，數字唔清楚。但知道每年老人家死亡最多就係冬天（叫winter excess death），就係冬天死亡數字係好驚人。參考數字：2004-2005年既H3N2流感，呢兩年每年都有超過1000名老人家死亡。 //
// 打完疫苗既抗體保護只有6個月有效，但因為夏天流感爆發會比較低，以及如果每6個月打一次，即一年打兩次，第2次打會無咁有效，第3次就可能效用再少d，所以一年打一次就夠。同埋如果好近時間連續打兩次（即隔幾星期又打），都有可能會有併發症發生。 //
影片來源：Daily News Youtube 頻道
ViuTV / Now
大鳴大放 – 2018年1月20日
流感襲港 – 袁國勇教授專訪
片長23:53
ViuTV / Now
大鳴大放 – 2018年1月20日
流感襲港 – 袁國勇教授專訪
片長23:53
沒有留言:
張貼留言