出天灸post 之前，又寫番個關於貼天灸貼的故事先……
場景：一個辦公室
人物：同事A
(剛出社會做事的年輕人）
同事B
(豬事丁的朋友)
同事C
(同事A 及 B 的同事)
大約一年多前的某一日，辦公室入面，同事B 及 C 講緊睇中醫調理身體既話題，A 路過聽到，加入傾埋一份……
A：原來你地有睇開中醫架？我從來未睇過中醫架，我朝朝呻鼻涕好似成日傷風都唔好，我都想試下睇中醫調理下身體呀！
（B 同 C 心諗，邊會有人日日都傷風架，好明顯係鼻敏感啦。）
C：你好似住B附近架喎，B 調理得幾好呀，叫B介紹個中醫比你試下啦。
（A 即刻洗出一個懶迷人既眼神望住B）
B：唔好咁望住我呀，你附近咪有一間叫匡信既中醫診所，我既首選何卓科醫師，你咪自己去睇下囉。
幾天之後，又到左辦公室偷懶時間……
A：之前上網睇左，附近間匡信，何卓科醫師一日開早一日開晏，一星期得一日可以放工去搵何醫師咋，我果日放工返到去，姑娘話約滿左，無得睇吖！
B：咁咪下次去囉，乜你無預約先咩？
A：無呀！要預約架咩？
B：乜你唔知有得預約架咩？反正你都係調理姐，下次去過囉。再唔係咁多醫師，就唔到時間搵另一個醫師試下囉，睇完話番比我知好唔好吖！
A：（有點委屈咁款）唔濟！我今個星期放工再去過。
又過左幾星期，又到左辦公室偷懶時間……
A：（好開心）我終於見到何卓科醫師啦！上次再去都係booking 滿晒無得睇，我醒啦，預約左，上星期有得睇啦！
C：（超八掛）咁果個何醫師話你乜野事呀？
A：佢話我無事
B 已經忍唔住係度笑……
C：你又話你朝朝呻鼻涕，咁都無事？
A：係呀，何醫師把完脈好詳細解釋左比我知架啦，結論係我只係輕微鼻敏感，開左幾劑藥比我舒緩下，仲話如果無乜唔舒服唔洗再覆診，但叫我做天灸，做三年。佢話我呢d情況唔需要經常食藥，反而做天灸會幫到我。
到左天灸日子，A就預約左做天灸。仲要指定何卓科醫師幫佢把脈幫佢貼……
B：你仲要指定何醫師幫你貼？咁咪要等好耐？
A：係附近住有乜所謂呀，我ok喎，人多咪放工掛左號返屋企食埋個飯先落去貼囉。
同事A 已經做左 三伏天灸 及 三九冬灸 各一次啦。其實同事A 係做左第一次天灸之後，已經再無朝朝呻鼻涕。果d 疑似鼻敏感症狀已經消失左，到而家都無再出現。因為相信天灸幫到佢，佢而家keep住做，仲話要做足三年添。
同事B都話，係A初初入公司做果陣，係見佢朝早會呻一陣鼻涕。但好短時間之後就無再見到A呻鼻涕啦，可能天灸真係好有用。不過同事B同豬事丁一樣，比愛心醫師把過脈都話唔需要貼天灸，所以貼天灸係咩感覺就唔知啦！
寫呢個故事，同寫個案一樣，需要時間觀察效果，堅係信得過先寫得出黎比你地睇架！
註：
豬事丁並不是該公司職員，沒有參與講埋一份。以上故事由同事B 轉述給豬事丁而改編寫成的。
(豬事丁發表於2018年6月23日)
沒有留言:
張貼留言