代購服務

匡信中醫專科診所 / 盈柏中醫診所 / 尚然堂，真係對街坊及病友照顧周到，很貼心的街坊診所。站主發現除左黑糖薑母茶之外，原來診所會幫有需要既街坊及病友訂購一d醫療輔助用品及養生產品。站主呢d好奇心爆棚既病友，梗係要了解下啦。

哈哈，原來呢幾間中醫診所真係傻架（講笑！感覺很窩心就真！），不做零售，不會在代購果d醫療輔助用品及養生產品從中賺錢，祇為方便一眾街坊及病友而代訂咋，祇收番供應商收果個價，唔怪得站主成日係診所聽到助護姐姐同d病友講“你要邊種我幫你訂，訂到返黎先打電話通知你黎攞。”咁又真係幾方便既，唔使自己出去買，有係幫你買埋，貨到就有得攞。站主研究過啦，d用品同產品係好野黎架。

不過 ... ... 方便還方便，問過醫師自己啱唔啱用或啱唔啱食先好買呀！就算平都唔好亂買野丫嘛！

站主淨係知有以下呢d，其他就唔知啦。


**********************************************************************
醫療輔助用品
各種人體護托、矯型器、運動創傷用品

站主係長期病患者黎架嘛，前一牌有需要買腰封，護膝，護踭之類啦。無幾耐之前見到診所有代購呢d野既服務之後真係想喊呀，站主之前唔識買呢d野，辛辛苦苦，山長水遠咁搵到去裕華先買到，點知。。。

轉個頭診所就有代購服務，價錢仲要平過站主買到既，真係有無搞錯呀，有呢d服務就早d出丫，搞到我呢個精明既站主都蝕晒底啦！咁難買仲要蝕底左...... 嗚......嗚......

雖然個牌子Medex站主唔識，但係佢個facebook及網頁見到話係由骨科醫生設計及研製架喎，實係好野黎架啦，仲要平d，今次真係蝕晒底啦!!!

**********************************************************************
保健養生產品

站主淨係知有黑糖薑母茶、冬蟲夏草、養生靈芝、高麗蔘、陳皮呢d啦，其他就唔知喇。站主都淨係貪方便買過黑糖薑母茶飲咋，其他未買過架，站主的兩位愛心醫師都話站主唔需要食呢d養生保健產品（忍唔住又要讚下站主睇既兩位醫師真係又勁又有愛心又老實，哈哈！）。雖然站主就無買過，但聽d街坊話抵喎，咁都介紹下啦。

即係咁，食落肚既野，各街坊病友記得要問過自己既醫師自己啱唔啱食同有無需要先好買呀！無咁既需要就算幾抵幾方便，買黎都無用啦。