黃：黃智偉醫師
Ｂ：病友B小姐
某次覆診...
Ｂ：黃醫師，你上次教我煲中草藥，
但係我發現d中草藥甩色好勁呀！
黃：下！甩色？點會呀？
Ｂ：係呀！會甩色架！
你教我沖下d草藥再浸下佢先煲丫嘛，
咁我驚唔夠乾淨，
更係洗乾淨d先浸啦。
點知，洗洗下，d水有變左啡色既，
梗係d草藥甩色啦，越洗越甩色，
洗極都甩色，好唔乾淨呀...
黃：下！你拎d草藥去洗？
(黃醫師對眼已經碌大左）
Ｂ：更係啦，我好驚污糟丫嘛！
(B小姐一臉認真的）
黃：哎呀，草藥唔洗特別洗架，
沖一沖水就得架啦。
沖水既目的係沖走有可能黏住草藥上面的塵，
唔需要特別去洗的。
咁樣會有可能影響中藥既效用架。
Ｂ：(O晒咀) 原來係咁架咩，
咁我會記住以後煲中草藥唔會狠狠地洗架啦！
...呀～係呢，咁點解沖完水要先浸20分鐘先煲呀？
黃：浸下先煲藥效會發揮得好d！
哈哈！真係好搞笑丫！我好有共鳴呢。煲中草藥真係好鬼麻煩，食中藥粉咪算囉，不過要煲中草藥外洗就無辦法啦。我無笑B小姐架，因為我都唔識煲中草藥架嘛。
哈哈！點解黃醫師咁好脾氣既，無被激親仲咁好心機解釋比病人知既～
讚！
溫馨提示：
煲中草藥呢，一般都係先沖沖水，再浸20 - 30分鐘先煲。最好用瓦煲，玻璃煲都可以（不過驚玻璃易爆，危險！），但切忌用不銹鋼煲。除非在特別情況下醫師特別指明煲藥時間，一般情況通常都係幾碗水煲埋幾碗水咁架嘛，呢d要自己因住時間睇火煲架，因為每位病友每次要服用既藥啦、每個家庭用既煲啦、用既爐大中細火既火候都唔同架嘛，唔可以一刀切話煲幾耐會變幾碗水架。就算電煲藥壺都唔係個個一樣架啦～呵呵！～
註：
此乃B小姐因為毛囊炎向黃智偉醫師求診的其中一次診症對話的部份內容改編。
強調：
改編黎架，搞笑下丫嘛！不過內容及黃醫師好脾氣係堅既～
沒有留言:
張貼留言