聖誕及元旦假期開診安排

哇～哇～今個聖誕及新年假期既開診醫師陣容好強勁呀！
嘻嘻～又多左幾位醫師加入假期開診為大眾服務丫！
係咪呢，我都話可以盡情玩盡情食架啦！有咩事都有匡信既優秀醫師打救你…
不過呢…都係果句…亂食野食濟左有比醫師鬧既風險！
超級感激咁多位愛心醫及助護姐姐犧牲假期、玩、休息既時間為我地服務丫！真係好感動的！謝謝！~^_^~

日期	診所	應診醫師	開診時間
25.12.2016 (星期日) (聖誕節)	樂富	林達興醫師	09:30-17:00
	富昌	黃智偉醫師	09:30-17:00
	尚德	江永南醫師	09:30-17:00
26.12.2016 (星期一) (Boxing Day)	樂富	何卓科醫師	09:30-18:00
		江永南醫師	09:30-12:30
	富昌	林達興醫師	09:30-17:00
	安定	陳家祺醫師	09:30-17:00
27.12.2016 (星期二)	樂富	陳家祺醫師	09:30-17:00
	富榮	何卓科醫師	09:30-18:00
1.1.2017 (星期日) (元旦日)	如常開診 （星期日開診醫師自己放假除外）
2.1.2017 (星期一)	樂富	何卓科醫師	09:30-18:00
		江永南醫師	09:30-12:30
	安定	田皓瑤醫師	09:30-17:00

匡信中醫專科診所（樂富）
　　地址：九龍樂富廣場3樓醫務中心3139B舖
　　電話：2336 8625

匡信中醫專科診所（富榮）
　　地址：九龍大角咀海泓道富榮花園一期地下S舖
　　電話：2180 9319

匡信中醫專科診所（富昌）
　　地址：九龍深水埗富昌邨富昌商場1樓123舖
　　電話：9226 5395

匡信中醫專科診所（安定）
　　地址：屯門安定邨H.A.N.D.S商場N-313舖
　　電話：9866 9409

匡信中醫專科診所（尚德）
　　地址 : 將軍澳尚德邨尚德廣場2樓217舖
　　電話 : 9688 2565


［資料來源：匡信中醫專科診所facebook 官方專頁］

2016冬至及平安夜收早通知

各位街坊病友請注意：
2016年12月21日（星期三）（冬至）
2016年12月24日（星期六）（平安夜）

全線社區診所都提早收18:00

謹祝各位醫師，助護姐姐，街坊病友佳節愉快！
盡情玩盡情食都無有怕（溫馨提示：盡情食食濟左有比醫師鬧既風險），匡信有一班好好既醫師及助護姐姐假期都繼續為我地服務架！

再黎一個溫馨提示：
今年既三九冬灸係今日開始啦！各位預約左做冬灸或求診既街坊病友記得準時到啦，辛苦你地內心等候啦！每位醫師都好細心為你地把把脈先貼架，我睇開又好鍾意果幾位醫師就更加唔講，超細心超專業架啦～:)


［資料來源：匡信中醫專科診所facebook 官方專頁］


＃呢張通告整得好靚呀
＃真係好想知邊個整咁有心思 :p

診症收費調整 (2016年11月21日新收費生效啦!)

11月份第一日，話個消息比你地知，就係...

診所會係2016年11月21日（星期一）開始作出診症收費調整呀!!
(如果近日有去診所睇醫生既朋友都應該會睇到呢張通知架啦！)

哈哈...
我都已經奇怪左好耐架啦，點解呢間診所咁耐都唔加一之價架呢，社會物價上漲得咁緊要，呢間診所用d藥材又咁靚，點解咁捱得架呢...
話你地知啦，張通告出左咁耐，我而家先post出黎，因為我要研究下加價合唔合理丫嘛，話晒我都係要比錢睇醫生果個。

結果係...
診所創辦人真係一個超級大好人黎架，唔係迫於無奈都唔想加價，佢好堅持比得病人用既一定要係對病人好既、有效既、幫到病人既，無效既對病人無幫助既佢情願唔用（例如藥材、藥酒、艾條果d呢，真係靚野黎架，我知道我就咁自己出去買係好貴的。）佢連酒精既質數都時時監察住好有要求架。但係好野既物價不斷上漲，成本就增加。

以我所知診所開左咁多年，今次先至係第三次加價咋。我八過加價幅度唔大，我呢個長期病患算死草都覺得合理。其實我真係好算死草，出過去其他診所格價之後，呢間診所仍然係我既超值首選！

以下就係由2016年11月21日（星期一）生效的新診症收費：

8號西北烈風或暴風訊號下的開診安排

天文台於2016年10月21日(星期五) 早上6時10分發出8號西北烈風或暴風訊號

診所係facebook官方專頁出左8號風球的開診安排如下：

『今日掛8號，各位醫師同姑娘要留響安全嘅地方(睇緊post 嘅你都要啊)，所以暫時全線診所都未能為大家服務了。如果4點後才除下8號烈風或暴風訊號，今天則全日休診，已經預約左嘅朋友敬請留意!
願所有人平安~ 預祝weekend 快樂!』

［資料來源：匡信中醫專科診所Facebook官方專頁］

2016年「三九冬灸」而家開始接受預約啦

今年既「三九天灸」（「三九冬灸」）而家開始有得預約啦，又係增強免疫力既機會黎啦。有需要既街坊朋友記得預約啦。

嘩 ... 咁既市場環境都仲係收舊價吖!!無加價!!巧抵呀～仲要有優質醫師幫你把過脈搵最適合既穴位先貼架!!識得去格價既都知係勁抵啦!!

仲有一樣巧驚喜巧滾動吖，今次診所出既冬灸通告又進化左，新設計，唔知係唔係診所職員自己整架呢？睇得出幾有心機整的，真係要比個like你（雖然唔知係邊個整）!! ~^_^~


2016「三九冬灸」貼藥日期：

第一灸：2016年12月20-22日（週二至週四）
第二灸：2016年12月29-31日（週四至週六）
第三灸：2017年01月07-09日（週六至週一）
加強貼：2017年01月16-18日（週一至週三）

［資料來源：匡信中醫專科診所Facebook官方專頁］

比我發現10月1日（星期六）國慶日假期有好好醫師開診啦

啦～啦～啦～
又比我發現有兩位好醫師係10月1日（星期六）國慶日假期開診啦～
有何卓科醫師＆陳家祺醫師呀～
有需要既街坊病友要快d預約啦～

何卓科醫師
　　匡信中醫專科診所（富榮）
　　診所地址：九龍大角咀海泓道富榮花園一期地下S舖
　　查詢／預約：2180 9319
　　開診時間：9:30-13:30； 14:30-17:00

陳家祺醫師
　　匡信中醫專科診所（樂富）
　　診所地址：樂富廣場3樓醫務中心3139B舖
　　查詢／預約：2336 8625
　　開診時間：9:30-13:30； 14:30-16:00

（新蒲崗診所､富昌診所､安定診所､尚德診所､小西灣診所：休診）

謝謝何醫師及陳醫師及幫忙假期開診的助護姐姐在假期為各街坊病友服務！~^_^~

富榮診所通告

樂富診所通告

圖片來源：

匡信中醫專科診所facebook官方專頁

診所新成員

Hello!  Hello!  大家好！
我係咪好可愛呢！仲好熟口熟面添！
係富榮診所做過治療既街坊病友係咪都認得我呀！
嘻嘻！我係比診所創辦人誠邀返黎為大家服務架！哈哈！
各街坊病友都知道，做針灸，拔罐，艾灸，骨傷治療既時候，都需要係治療床逗留一段時間，我既功能就係要為大家提供體貼服務，尤其係大家扒係度個頭瞓落個窿度，有我墊住會舒服好多架，抖氣都順d呢。
我只係先頭部隊黎架咋，如果各街坊病友覺得我好正既話，記得向助護姐姐反映下我好正架，咁我d巴打絲打就可以進駐其他社區診所，同我一齊為大家服務啦！
講開又講，診所創辦人咁體貼一眾街坊病友，大家係咪覺得好窩心呢！~^_^~

診所奇遇記 - 外藉人士睇中醫？（2）

見到呢個外國人去中國了解中醫既報導，忍唔住又想寫下野。
https://m.facebook.com/CCTV.CH/photos/a.935929333161293.1073741827.761870613900500/1524662217621332/?type=3

除左見過林醫師係富昌診所及晴朗診所用英文替外藉人士診症，前幾個星期都有見過有外藉人士係富榮診所搵何醫師求診，都係講英文的。

就算講英文的，幫到的醫師都會盡力幫，真係好型。

事實上，真係有好多情況，要靠中醫先掂。

曾經有好一段時間，係香港同大陸周圍搵神醫，中西醫都搵，神醫當然搵唔到，庸醫同神棍就搵到一堆。有d話醫你唔到，驚你醫醫下死鬼左累到佢就叫你以後唔好去，有d仲會衰到醫你唔到叫你唔好返去之餘仲執一大堆藥過你嘆，當然要比錢架啦，呢d係絕望既時候你比毒藥個病人都食架，希望有奇蹟吖嘛。

遇到匡信，遇到好醫師，是我的福份。匡信入面無神醫，但係有好老實既好醫師，有比到你信心同支持既好醫師，有懂得從中西醫角度解釋比你知既好醫師，唔止有中醫既專業，亦有西醫既知識。

雖然我唔係一個醫師，都睇會到當中醫師的路不好行，我好欣賞仍然努力緊，默默耕耘，拒絕商業化搵錢的中醫師，緊守崗位為一眾無分階層既街坊服務解困的好醫師。

其實都越來越多外國人都識欣賞中醫架啦，針､灸､拔罐､中藥等等，效果真係好神奇。我好希望有一日，可以見到中醫成為呢個社會既醫療主流，最起碼，都要同西醫看齊!!

中醫師們，請你們好好加油，堅守自己既專業，為更多有需要既人提供幫助，將中醫發揚光大！

有感而發 - 星期日及公眾假期睇中醫

今時今日，無論係中醫或西醫診所，絕大大部份都係星期日及公眾假期休息，政府公立門診都係全部休息。咁...真係咁唔好彩就係公眾假期病左點算呀？咁你咪當自己運濟，一係就通街搵下有無醫生開診囉，唔舒服起上黎求其是旦都要醫架啦；一係就用最簡單直接既方法：去急症室。不過咁，個個去親急症室都話自己勁唔舒服架啦，要等幾耐先等到你比個醫生望一眼咁多喇喎，自己諗啦，等得你就等啦。

好好彩，香港有一間中醫診所叫 "匡信中醫專科診所"，盡量安排醫師係星期日開診，目的係為一班平時返工忙得要命，有病都要等到星期日先有時間求診既街坊病友服務（呢d係創辦人話我知的）。星期日開診既診所同醫師有：樂富診所的林達興醫師（呢個係好醫師黎既）；富榮診所的潘仲恆醫師（呢個唔識）；富昌診所的黃智偉醫師（呢個係好努力好細心好有心機診症既好醫師黎既）；尚德診所的江永南醫師（呢個唔識）；安定診所的文婉華醫師（呢個都係唔識）。呢啲都係調查番黎的，唔知有無漏架。不過一樣都係咁多謝呢班係星期日開診既醫師！至於公眾假期呢，就每次安排都唔同既。

咁啱...呢個世界d野就真係咁啱既...尋日中秋節假期，一早起身就整親，痛到唔動得，即刻瞓番上床攤左係度，唔掂，攤係度唔動都痛到飛起不能動，個腦淨係諗，洗唔洗打三條九去急症室，今次會唔會變殘廢。人就係咁架啦，驚起上黎呢兩個問題就係個腦無限loop，救命，驚到瞓係度都瞓唔著。

好彩，醒起有超級好醫師何醫師尋日開診，慢慢起到身就去搵何醫師打救啦。一見到何醫師個樣，心就定左一半，何醫師就係咁，淡淡定咁款，輕苗淡寫話唔洗驚，針灸之後就會鬆番d架啦。咁...事實上針灸完之後真係鬆番d，梗係唔洗驚啦，哈哈。安落晒，雖然仲有d痛痛地，尋晚真係大覺瞓，一覺瞓天光。

即係呢，今時今日既急症室，都唔多似係比d真係急症既病人用，好多人肚痛傷風咳都走去急症室，等得耐細菌多環境惡劣都不在話下，食飽細菌之後有無專科醫生出黎幫你先係問題，一個唔覺意急症室醫生扔你上病房等到假期完專科醫生返黎先睇係仲大鑊，有得選擇我真係唔想去急症室。

已經係第二次，係自己好驚唔知洗唔洗入急症室既時候遇到好有料既何醫師咁啱有開診打救，呢d咪叫不幸中的大幸囉，即係都叫有運。嘻嘻！謝謝何卓科醫師！

話時話，香港地，話就話標準工時，講同現實係兩樣野黎既，總有好多人平時要返工返到收唔到工，有病都要等假期先有醫生睇。所以呢，有料又肯公眾假期開診既醫師真係好偉大...！肯幫手開診既醫護人員都係咁偉大吖...！

2016年9月16日（星期五）(中秋節翌日假期) 開診安排

wow...
聽日節日假期，有兩位醫師開診為有需要既街坊病友服務吖。謝謝何醫師，周醫師，及願意在假期幫忙開診的助護姐姐！😄

*************************************************
2016年9月16日（星期五）
(中秋節翌日假期) 開診安排

（1）樂富診所：何卓科醫師
　　　診所地址：樂富廣場3樓醫務中心3139B舖
　　　查詢／預約：2336 8625
　　　開診時間：10：30 - 13：00；14：00 - 17：00

（2）尚德診所：周登棋醫師
　　　診所地址：將軍澳尚德廣場2樓217舖
　　　查詢／預約：9688 2565
　　　開診時間：09：30 - 13：00；14：00 - 17：00

（3）新蒲崗診所、富榮診所、富昌診所､安定診所 、小西灣診所：休診

[資料來源：匡信中醫專科診所facebook官方專頁]

2016年中秋節正日-全線社區診所收早呀

農曆八月十五中秋節到左啦
今日匡信中醫全線社區診所都係開診至下午六點
請各街坊病友留意啦

中秋節快樂！
提提大家玩要盡興
過節食品要淺嘗
唔好食濟吖

( 靜雞雞話你地知，高興得濟唔覺意食濟左都唔洗驚，農曆八月十六係樂富診所都有何醫師開診打救的！ ~^_^~ )

何卓科醫師假期開診安排及休假通知

2016年9月16日（星期五）（中秋節翌日假期）
何卓科醫師會於樂富診所開診
　　匡信中醫專科診所（樂富）
　　診所地址：樂富廣場3樓醫務中心3139B舖
　　查詢／預約：2336 8625
　　開診時間：09:30-13:00；14:00-17:00
(謝謝何醫師在假期為有需要的街坊病友開診！謝謝助護姐姐！~^_^~)


2016年9月22日（星期二）至2016年9月29日（星期四）
何卓科醫師休假
(敬請各街坊病友留意！並祝何醫師假期愉快！ ~^_^~)


2016年10月1日（星期六）（國慶日假期）
何卓科醫師會於富榮診所開診
　　匡信中醫專科診所（富榮）
　　診所地址：九龍大角咀海泓道富榮花園一期地下S舖
　　查詢／預約：2180 9319
　　開診時間：09:30-13:00；14:00-17:00
(再次謝謝何醫師在假期為有需要的街坊病友開診！謝謝助護姐姐！~^_^~)


2016年10月10日（星期一）（重陽節翌日假期）
何卓科醫師會於樂富診所開診
　　匡信中醫專科診所（樂富）
　　診所地址：樂富廣場3樓醫務中心3139B舖
　　查詢／預約：2336 8625
　　開診時間：09:30-13:00；14:00-17:00
(再次謝謝何醫師在假期為有需要的街坊病友開診！謝謝助護姐姐！~^_^~)

富榮診所通告

招聘診所助護

咦！診所請人喎！
有意求職及轉職人士既機會黎啦！

" 招聘油塘及將軍澳區全/兼職診所助護
提供在職培訓，有診所經驗者優先。
有意者電郵履歷至 honsoncmed@gmail.com 鄧小姐收"


［資料來源：匡信中醫專科診所facebook官方專頁］

中藥驅蚊包Q & A

都話架啦，匡信係一間好老實、好體貼、好照顧街坊病友的中醫診所黎架啦，之前出d咁體貼咁方便我地用既驅蚊包，而家仲出埋“中藥驅蚊包Q & A”，又識多左野啦！又賺左！哈哈！~^_^~

*******************************************************

中藥驅蚊包Q & A

１．驅蚊原理是什麼？

• 蚊是濕熱性生命，蚊包裡都是辛燥祛濕的藥物，這些藥物揮發出的氣味，會令蚊蟲誤認為環境變得乾燥，蚊蟲會變得不喜歡留在這樣的環境，故達到驅蚊的功效。

２．成份是什麼？

• 丁香、艾葉、白芷、紫蘇葉、薄荷、石菖浦、藿香、金銀花，共8種藥材。

３．有效時間多長？

• 實驗所得，氣味長達三星期。

４．一個驅蚊包的有效範圍多大？

• 室內：有效150-200呎。
• 室外：未曾進行實驗，故此未知戶外驅蚊功效。

５．會唔會生蟲？有蟲點算？

• (1) 因為是天然草本，沒有添加劑，難免有受潮發霉的情況。如有，請扔掉。
• (2) 如打開密封牛皮紙袋時發現有長蟲的情況，請回到診所更換新的蚊包。

６．應如何保存？

• 如牛皮紙袋未曾開封，存放在陰涼的地方即可。

７．開封後放在哪裡？

• 取出蚊包使用，可掛在窗邊、放置在窗台或出入口，並盡量放置在乾爽的地方。
• 如環境潮濕，會降低使用時間。

８．孕婦、氣管敏感患者是否適合使用？

• 成份對孕婦及胎兒並無影響；對氣管敏感患者無刺激。

９．G6PD (蠶豆症) 患者是否適合使用？

• 蚊包成分之中的金銀花及薄荷，據報有機會對蠶豆症患者有不良影響。但蚊包因為並非內服及直接接觸皮膚，而且劑量非常輕微，因此對蠶豆症患者沒有不良影響。
• 如若擔心有不良影響，可以將劑量減少一半試用。
• *若顧客仍有擔心，不建議使用。

１０．除蚊以外可否驅蟲、驅蠓？

• 蚊包沒有驅蟲的效果。但有一定的驅蠓作用。

2016年7月1日（星期五）開診安排

哇~~哇~~
平時成日放工收得夜趕唔切，假期有醫生睇真係好。都唔好話睇醫生啦，日忙夜忙保健調理下都要啦。謝謝幾位醫師假期開診吖~

*******************************************************
2016年7月1日（星期五）
(香港特別行政區成立紀念日假期) 開診安排
開診 時間：09：30 - 13：00；14：00 - 17：00

（1）樂富診所：何卓科醫師
　　　診所地址：樂富廣場3樓醫務中心3139B舖
　　　查詢／預約：2336 8625

（2）富昌診所：林達興醫師
　　　診所地址：深水埗富昌邨富昌商場1樓123舖
　　　查詢／預約：9226 5395

（3）尚德診所：周登棋醫師
　　　診所地址：將軍澳尚德廣場2樓217舖
　　　查詢／預約：9688 2565

（4）新蒲崗診所、富榮診所、安定診所 、小西灣診所：
　　　休診

[資料來源：匡信中醫專科診所facebook官方專頁]

體貼中藥驅蚊包

真係忍唔住又要比100個like 匡信，真係會回應街坊病友既訴求，仲要做足一百分的。

自從見到佢地係facebook 介紹左一個驅蚊方法，就係中藥驅蚊包，我勁有興趣，中草藥驅到蚊就好啦，好過用化學劑果d啦，但又唔知去邊度買，網上search 咁多種類，又唔知邊種先啱，去藥材舖執又驚比人厄，執包草藥返去又唔知點搞，好煩的。我都有份向診所反映希望診所會方便一眾街坊提供中藥驅蚊包架。

坦白講，我初初以為診所肯執藥咁執賣比一眾街坊病友己已經好好架啦，真係無諗過係咁體貼架。買左個驅蚊包返屋企拆開一睇，真係好感動，完全感受到診所為一眾街坊服務既誠意。有防透氣密封錫紙袋包裝，內有兩個裝有中草藥的獨立驅蚊包，乾淨企理，全完唔使煩，開封後三至四星期有效。講真，中草藥既野，我呢d門外漢識條鐵咩，自己出去執仲要搵個袋裝，真係煩死人。而家診所全部搞掂晒，衛生又企理，買番屋企就用得。我真係無想過有咁好既服務先賣25蚊一包仲要有兩個（即係12.5一個），淨係個密封錫紙袋都唔平啦，仲要執藥､包同整呢，唔知診所使唔使蝕架呢？感動死人咩！！

咁當然，本站主真係比錢買左返屋企用過覺得好用又堅work既先會拎出黎推介啦，好老實架嘛。嘻嘻，掛左出黎之後真係無見過成日吸我d血又打極唔死果隻大肥蚊出現喎（唔知隻大肥蚊餓死左未！本站主偷笑中！）。唔止咁呀，個驅蚊包入面d中草藥仲好清香架，尤其放工/去完街返屋一打開門，一陣清香撲埋黎，香噴噴吖。真係正！正！超正！！

即刻解構個中藥驅蚊包比大家睇下先：


係診所見到的中藥驅蚊包單張


中藥驅蚊包既包裝，密封的。


拆開密封錫紙袋，內有兩包裝有中草藥兼獨立包裝的驅蚊包。味道好清香的。


打開其中一包比你地睇下啦。d中草藥我唔識，都係唔好亂搞啦。包番好掛起先！

2016年「三伏天灸」接受預約啦

又到左差唔多做「三伏天灸」既時候啦，又係增強免疫力既機會啦。有需要既街坊朋友記得預約啦。

我識嗰位唔睇中醫但堅信「三伏天灸」及「三九冬灸」幫到佢既朋友都已經係其中一間匡信預左啦。

利申：本站主係唔使貼天灸貼的。我都話我睇醫生既診所同醫師都好老實架啦，兩位好醫師都話我體質唔需要貼就唔使貼嘛，唔會為左賺錢叫你貼的。

無加到價吖!! 就算我唔使貼都覺得勁抵，因為我好八掛地去格過價囉！同埋有優質醫師幫你把過脈先貼架!! 

2016「三伏天灸」貼藥日期：
第一伏：2016年07月17-19日（週日至週二）
第二伏：2016年07月26-28日（週二至週四）
第三伏：2016年08月04-06日（週四至週六）
加強貼：2016年08月15-17日（週一至週三）

2016年6月9日 (星期四) (端午節) 開診安排

2016年6月9日 (星期四) (端午節)
有擅長針灸既陳家祺醫師開診吖！
（謝謝陳醫師 及 助護姐姐）

診所：匡信中醫專科診所（樂富）
地址：樂富廣場3樓醫務中心3139B舖
電話：2336 8625

其他各社區診所（新蒲崗診所､ 富榮診所､ 富昌診所､ 屯門診所､ 尚德診所､ 小西灣診所）：休診呀！

溫馨提示：
端午節都唔好食咁多糉呀，雖然食左『糉子』唔會變『傻子』，當日得陳家祺醫師係期開診架咋，唔係住樂富附近既街坊唔覺意食濟左都係要第二日先有醫師救你架。一隻糉子全家人一人一啖分享下，溫溫馨馨應下節就好啦。

［資料來源：匡信中醫專科診所 Facebook 官方專頁］

診所奇遇記 - 外藉人士睇中醫？

診所奇遇記 - 外藉人士睇中醫？

中醫嘛，中國醫術嘛，淨係中國人先會睇中醫？
嘩！咁老土既講法邊個話架！
以前何卓科醫師都教過我同中醫有關既一d英文詞語。原來中醫真係都會用英文診症架。
廣東話同國語就聽得多啦，我係匡信（富昌）同另一間診所都見過林達興醫師幫外藉人士（印度人都有）做治療吖。
全程英語對答，痛症既原因，平時要注意d乜野，做d乜運動，乜都講英文的，好神奇吖。
聽d街坊講，有時有外傭（即係d賓賓姐姐，印印姐姐呢）搵林醫師睇症都係講英文架啦，有乜咁出奇！
哎呀！乜搞到我好似咁大鄉里咁架！
中醫真係好神奇的！