驅寒之選 - 黑糖薑母茶

近日天氣凍得黎個人好寒。

有好嘢介紹比大家啦。呢個黑糖薑母茶，如果問過醫師自己體質飲得嘅話（站主當然係問過醫師飲得啦），可以買黎飲下。無論係屋企定返緊工係公司，係凍冰冰嘅時候用滾水（一定要用滾水先夠熱）沖番杯，隻手拎住隻杯已經暖笠笠，熱飲慢慢飲一啖，嘩！正呀！甜甜地又不太甜，辣辣地又不太辣，飲一啖已經有一點點暖意在心頭，寒天中都有一點點溫暖。

呢隻黑糖薑母茶好正架，一盒有十小包，一包沖一杯，份量剛剛好。安全過係出面亂咁買。出面嗰啲薑母茶一粒粒糖磚咁都唔知糖份會唔會多得濟，站主都好驚會有糖尿病架嘛，都係診所買安全啲。呢隻黑糖薑母茶都陪左站主幾個冬天架啦。