有感而發-流感高峰期

前兩晚睇新聞，講到因近日係流感高峰期，好多市民迫爆醫院急症室。

有無搞錯！如果話為左發高燒，半夜勁唔舒服無醫生睇驚起上黎就話去急症室啫。為左感冒走去迫爆急症室等餐死？唔係免費架喎，都要比一條紅衫魚架喎，咁都肯既？等一日都唔知輪到自己未啦，咁等法普通感冒都變大病啦。啋！大吉利是！

其實傷風感冒喉嚨痛果d，個人就認為睇中醫最好，中藥都可以好勁，一、兩劑藥就好；如有需要再食兩劑清埋個底就可以。呢d都係站主既個人經驗。

個人經驗西醫頭痛醫頭腳痛醫腳，要食消炎特效藥就好得快，食普通西藥就要睇多幾次。副作用無咁快出到，食得西藥多個人就會虛。中醫中藥就從根源出發，治其根本，無副作用，斷尾根治，效果好又無手尾跟。

中醫咁好，使乜要專登搭車去急症室同人迫仲要等餐死咁傻架！去睇中醫咪得囉！計番條數，睇中醫平過睇西醫好多架！