再發現診所助護的故事

我都話我係呢間診所同診所創辦人既超級粉絲黎架啦，又比我發現一個診所助護的故事啦。

今次故事既主角係匡信中醫專科診所（安定) 既黃姑娘。

我成日都話我最鍾意既中醫診所係最肯比機會人架啦，只在於你願唔願意踏出第一步，懂唔懂得把握機會，同埋用咩態度去面對囉。

如果你自己為好醒，識呢樣識果樣，但態度唔好，咁sorry，我唔覺得你有幾好囉。我係病人同你講聲唔該，都只係出於禮貌，唔係欣賞你喎，咪表錯情添呀。有d懶到死既姑娘覺得入治療室工作係苦差，呢d態度咪錯晒囉，要有醫師同病人既信任同肯定先做到架喎，如果個姑娘好差，我係病人都會拒絕醫師搵佢幫，唔會比個姑娘掂我囉。反而肯努力做肯虛心學，明白自己係一個中醫團隊既一份子，咁初初做得唔好人地都會體諒，你既努力始終會有人欣賞架。咁當然係要有進步先得啦！我地病人對姑娘既要求好實際架，好差既我同其他病人一樣都會投訴架。不過咁，我相信好差既姑娘係無改善既情況下會被淘汰架啦。

就好似條片入面黃姑娘話：最大滿足感就係病人跟我道謝呀，我就會覺得好滿足架喇，因為始終都係付出過既。

願意付出努力，懂得滿足，懂得感恩，給你一個讚！

僱主訪問講得好好，特登寫埋出黎比你地睇：
「我最欣賞麗紅有肯學同求進步既心，最初最初既時候麗紅只係負責比較前台的工作，到慢慢後來佢得到醫師既信任，邀請她進入治療室進行協助，其實，呢個正正係對佢工作表現既肯定。因為工作時間唔短，求診人士咁多，總係會有毛躁的時候既，所以，希望呢個係麗紅對自己的目標，對自己既挑戰，突破自我，提升素養既一個挑戰。」

***********************************
影片來源：
勞工處展翅青見YouTube 頻道
2018展翅青見超新星(小紅)
https://youtu.be/T-bq5aFseeg
發佈日期：2018年8月28日

小紅中六畢業，由於家庭的經濟狀況不容她繼續升學，遂參加「展翅青見計劃」開展她的職途。初期，小紅對自己的前路感到很迷茫，本著一試無妨的心態，在一年內輾轉做了多份工作，但始終都未能找到一份令她稱心滿意的工作。 經過個案經理的鼓勵下，小紅終於找到令她每日都能帶着愉快的心情上班的崗位。現時她在中醫診所任職助護，負責接待工作、執藥及解答病人查詢。由於小紅沒有中醫業的經驗，入職後，她急起直追學習中醫知識，經常翻閱中醫書刊吸取健康資訊，亦會多背誦種類繁多的中醫藥名，並向醫師請教，以加強自己執藥配藥的工作能力。 小紅認真和樂於助人的工作態度，獲得上司讚賞。上司也因此委以重任，讓她協助培訓新同事，令小紅領悟到更多管理及營運診所的技能，推動了她更投入工作。小紅會繼續進修醫護方面的知識，希望日後能成為一位護士。